The Fourth Dimension

විශ්වය කියන්නේ සියල්ලමද? Part IV
ඔබ තවමත්  විශ්වය කියන්නේ සියල්ලමද?  Part I, II හා III කියවා නැතිනම් පහත Link තුළින් එය කියවන්න.
“විශ්වය කියන්නේ සියල්ලමද?  Part I ” 
“විශ්වය කියන්නේ සියල්ලමද?  Part II ” 
“විශ්වය කියන්නේ සියල්ලමද?  Part III ” 
අපි ඔබට පැවසුවා බහුවිශ්වය යන මාතෘකාව යටතේ අවකාශ-කාලය ගැන. අපි මේ ගෙන එන්නේ විශ්වය පැවතිය හැකි ආකාරයක් පිළිබඳ සංකල්පයක්.

චතුර්මානය

චතුර්මානය, එසේත් නැතිනම් 4D කියලා කියන්නේ ත්‍රිමාන අවකාශයේ ගණිතමය දිගුවක්.
අප අවට ඇති ඕනෑම වස්තුවක් අකුරු තුනකින් හැඳින්විය හැකියි. ඒ x, y හා z නැත්නම් දිග, පළල, උස යන මානයන් තුනෙන්. උදාහරණයක් ලෙස අපට ඝනකාභයක් එහි x y z අගයන්ගෙන් හැඳින්විය හැකියි. නමුත් අපි විශ්වය පරිමාණයෙන් සිතන විට එය අසත්‍යයක්. මොකද විශ්වයේ එකම ස්ථානයක එකම x y z අගයන් සහිත වස්තූන් එකකට වඩා තිබිය හැකියි. ඒ ගැටලුව විසදන්නට විද්‍යාඥයන් හතරවන මානයක් යොදාගෙන තිබෙනවා. Jane le Rond d'Alembert විසින් ඔහුගේ "Dimensions" (මාන) ග්‍රන්ථයේ  මෙම චතුර්මානය පලමුවෙනි වතාවට ලෝකයට හඳුන්වා දී තිබෙනවා. ඒ හතරවන මානය වන්නේ අවකාශ කාලයයි.
චතුර්මානය අපට ගෝචර වන දෙයක් නම් නොවෙයි. මේ චතුර්මානය අප වැනි අයට දැකගත හැක්කේ ගණිතමය සමීකරණ වලදී පමණයි. නමුත් එය දැනීමටත්, එයට යම්කිසි බලපෑමක් සිදු කරන්නටත්  හැකි අය නොසිටින බව අපට තහවුරු කරන්නට බැහැ. එසේ හතරවන මානය විනිවිද පෙනෙන පුද්ගලයෙකු හැටියට  ගෞතම බුදුන් වහන්සේ හැඳින්විය හැකියි.
අනෙක් අතට, දිව්‍ය ලෝක, බ්‍රහ්ම ලෝක කියන්නේ පෘථිවියේ ම වෙනත් මාන විය හැකියි. බුදුන්වහන්සේගේ මානසික ශක්තිය නිසා උන්වහන්සේට මේ මාන තරණය කරන්නට හැකි බව විශ්වාස කරන්න පුළුවන්.

ද්වීමාන අවකාශයේ දී අපට දක්‌නට තිබෙන්නේ රේඛා සහ ලක්ෂ්‍යයන් සහිත බහුඅශ්‍ර යි. ත්‍රිමාන අවකාශයේ දී දක්නට ලැබෙන්නේ බහුඅශ්‍ර එක්ව සැදී ඇති ඝන වස්තුයි. ඒ වගේම චතුර්මාන අවකාශයේ භාවිතා වන්නේ මොනවාද?

ටෙසරෑක්ට් - Tesseract

මෙම චතුර්මාන ඝනකය හඳුන්වන්නේ ටෙසරෑක්ට් ලෙසින්. සාමාන්‍ය ඝනකයක් ද්වීමාන අවකාශයේ දී සමචතුරශ්‍ර හයකට දිගහැරෙන ලෙසින් ම ටෙසරෑක්ටයත් ත්‍රිමාන අවකාශයේ දී ඝනක අටකට දිගහැරිය හැකියි.

ග්ලෝම් - Glome

ග්ලෝම් ලෙසින් හැඳින්වෙන්නේ චතුර්මාන ගෝලයයි. සාමාන්‍යයෙන් ත්‍රිමාන අවකාශයේ ගෝලයක අරය, අක්ෂාංශ සහ දේශාංශ පමණක් තිබෙන විට මෙම ගෝලයේ අධිදේශාංශයක් ද තිබෙනවා. මෙම ගෝලය මත හෝ තුල ඇති ඕනෑම ලක්ෂ්‍යයක් ග්ලෝමයේ කේන්ද්‍රය ලෙස සැලකිය හැකියි.

පෙන්ටකොරෝන් - Pentachoron

මෙම චතුර්මාන චතුස්තලය හැඳින්වෙන්නේ පෙන්ටකොරෝන් නමින්. මෙය ත්‍රිමාන අවකාශයේ ඇති චතුස්තලයක් මෙන් වුවත් මෙම පෙන්ටකොරෝනයේ පාද වෙනුවට තිබෙන්නේ චතුස්තලයි.
N'finity Man

තවදුරටත් ගවේෂණය කරන්න,
• Tesseract
• 3-sphere
• 5-cell
• 4D
ඔබේ අදහස් comment කරන්න.